කොළඹ LNW:හිටපු අමාත්‍යවරයෙක් වූ ශ්‍රී ලංකා නිදහස් පක්ෂයේ මහ ලේකම් දුමින්ද දිසානායක මහතා හතා එළඹෙන 26 වනදා දක්වා තවදුරටත් රක්ෂිත බන්ධනාගාරගත කිරීමට ගල්කිස්ස මහෙස්ත්‍රාත් අධිකරණය නියෝග අකර තිබේ.
ඒ, අද (19) ඔහුව අධිකරණයට ඉදිරිපත් කළ අවස්ථාවේදීය.
හැව්ලොක් සිටි නිවාස සංකීර්ණයේ තිබී රන් ආලේපිත ගිනිඅවියක් සොයාගැනීමේ සිද්ධියට අදාළව එම ගිනිඅවියේ හිමිකරු ලෙස දුමින්ද දිසානායක මහතා අත්අඩංගුවට ගෙන රක්ෂිත බන්ධනාගාර ගතකරන ලදී.
කොළඹ LNW:ශ්‍රී ලංකා නිදහස් පක්ෂයේ මහ ලේකම් හිටපු අමාත්‍ය දුමින්ද දිසානායක මහතා ලබන 05 වැනිදා දක්වා යළි රක්ෂිත බන්ධනාගාර ගතකිරීමට ගල්කිස්ස මහෙස්ත්‍රාත් අධිකරණය නියෝග කර තිබේ.
හැව්ලොක් සිටි සුපිරි නිවාස සංකීර්ණයෙන් හමුවූ රන් ආලේපිත T 56 වර්ගයේ ගිනිඅවියේ හිමිකාරීත්වය සම්බන්ධයෙන් සිදුකරන විමර්ශනවලට අදාළව අමාත්‍ය දුමින්ද දිසානායක මහතා අත්අඩංගුවට ගැනුණු අතර පසුව ඔහු අධිකරණයට ඉදිරිපත් කරන ලදුව අද දිනය දක්වා රක්ෂිත බන්ධනාගාර ගත කරන ලදී.
අනතුරුව අයහපත් සෞඛ්‍ය තත්ත්වය මත අධිකරණයේ දැනුම් දීම මත ඔහුව බන්ධනාගාර රෝහල වෙත යව තිබුණු අතර අනතුරුව විශේෂඥ වෛද්‍ය පරීක්ෂාවකින් පසුව නැවත බන්ධනාගර ගත කර තිබුණි.
ආශිකා බ්‍රාහ්මණ
කොළඹ LNW:රක්ෂිත බන්ධනාගාරගත කිරීමෙන් පසු බන්ධනාගාර රෝහලට යොමුකළ ශ්‍රී ලංකා නිදහස් පක්ෂයේ මහ ලේකම් හිටපු අමාත්‍ය දුමින්ද දිසානායක මහතාව යළිත් මැගසින් බන්ධනාගාරය වෙත යොමු කර තිබේ.
අධිකරණ නියෝග මත ප්‍රතිකාර සඳහා සැකකරු බන්ධනාගාර රෝහලට යොමු කෙරුණු අතර අනතුරුව විශේෂඥ වෛද්‍යවරයෙකු විසින් පරීක්ෂා කිරීමෙන් අනතුරුව ඔහු යළිත් මැගසින් බන්ධනාගාරය වෙත යොමු කර ඇත.
හැව්ලොක් සිටි සුපිරි නිවාස සංකීර්ණයේ කාන්තාවක සතු ගමන් මල්ලක තිබී හමුවූ රන් ආලේපිත T 56 වර්ගයේ ගිනිඅවියේ හිමිකාරීත්වය සම්බන්ධයෙන් සිදුකරන විමර්ශනවලට අදාළව දුමින්ද දිසානායක මහතාව පොලිස් ත්‍රස්ත විමර්ශන කොට්ඨාසය මගින් අත්අඩංගුවට ගෙන අධිකරණය ඉදිරිපත් කරන ලදී.
සිද්ධියට අදාළව මේ වන විට කාන්තාවන් දෙදෙනෙක්ද රක්ෂිත බන්ධනාගාර ගතව සිටියි.
ආශිකා බ්‍රාහ්මණ
