Tag: Lanka News Web

මේ පොටෝ එක ඊයේ පවත්වපු සර්ව පාක්ෂික සම්මේලනය ගැන පලකර තිබුන පොටෝ එකක්. ඒ සමුළුව හදුන්වලා තිබුනේ "රටේ පවත්නා ආර්ථික අර්බුදයට කඩිනම් විසදුම් සෙවීමට පැවැත්වු සර්ව පාක්ෂික සමුළුව'' කියලයි. සොයාගත්ත විසදුම් මොනවාද කියලා දන්නේ නෑ. පත්තරවල ඒ ගැන දාලා තිබුනෙත් නෑ.

නොර්වේ හි ඔස්ලෝ අගනුවර පිහිටි ශ්‍රී ලංකා තානාපති කාර්යාලය වසා දැමීමට මෙරට විදේශ කටයුතු අමාත්‍යාංශය වෙත බලපෑම් කර ඇත්තේ නොර්වේහි වර්තමාන ශ්‍රී ලංකා තානාපති ගොඩ්ෆ්‍රී කුරේ විසින් බවට එරට ශ්‍රීලාංකික ප්‍රජාව චෝදනා කරති.

මහ බැංකුව විසින් නිවේදනයක් නිකුත් කරමින් "බැංකු පද්ධතිය සම්බන්ධයෙන් සිදු කර ඇති යම් ප්‍රකාශයන් නිවැරදි නොවන අතර, බැංකු පද්ධතිය ස්ථාවර බවටත්, රාජ්‍ය බැංකු ආයතනවල මෙහෙයුම් කටයුතු සුමට ආකාරයෙන් සිදු වෙමින් පවතින බවටත්, මහජනතාව සහ සියලු පාර්ශ්වයන් වෙත මුදල් අමාත්‍යාංශය සහ ශ්‍රී ලංකා මහ බැංකුව විසින් තහවුරු කරන බව" දැනුම් දී තිබෙනවා.

ආණ්ඩුවේ හවුල්කාර පාර්ශ්වයක් වන ලංකා කම්කරු කොන්ග්‍රසයද ආණ්ඩුව සමග තවදුරටත් සිටින්නේද එසේ නැතහොත් ආණ්ඩුවෙන් ඉවත් වන්නේද යන්න පිළිබඳව සලකා බලමින් සිටින බව වාර්තා වේ.

දුම්රිය දෙපාර්තමේන්තුව විසින් යම් හෙයකින් නගරාන්තර දුම්රියවල සහ විශේෂිත දුම්රියවල ගාස්තු සංශෝධනයක් කර එය මාධ්‍යයට නිකුත් කර තිබුණ අතර තමන් මැදිහත් වී එය වහාම අත්හිටවූ අතර ගාස්තු සංශෝධනය ගැන සාකච්ජාව පැවැත්වෙන්නේ ද අද (25) පස්වරුවේ බව ප්‍රවාහන අමාත්‍ය දිළුම් අමුණුගම මහතා පවසයි.