Tag: විමල් වීරවංශ

හිටපු අමාත්‍ය විමල් වීරවංශ මහතා කරමින් සිටින්නේ බොරු ගොතමින් බැසිල් රාජපක්ෂ නම් චරිතය කළු කර පෙන්වමින් ආණ්ඩුවට පහර ගැසීමක් බව ශ්‍රී ලංකා පොදුජන පෙරමුණේ න්‍යායාචාර්යවරයකු සහ ශ්‍රී ලංකා පුවත්පත් මණ්ඩලයේ සභාපතිවරයා ද වන ආචාර්ය මහින්ද පතිරණ මහතා පවසයි.

වීරවංශ මහතා පවසා තිබෙන්නේ ලී ක්වාන් යූ මියගොස් ඇති බවයි. මහතීර් මොහමඩ් ගෙදර ගොස් ඇති බවත්, ආණ්ඩුවේ සියලු ගැටලුවලට හේතුව, පසුබෑම්වලට හේතුව ජනතාව බලාපොරොත්තු වූ ලී ක්වාන් යූ සහ මහතීර් මොහමඩ් නිෂ්ක්‍රීය වීම බවත් වීරවංශ මහතා වැඩිදුරටත් සඳහන් කරයි.

මුදල් අමාත්‍ය බැසිල් රාජපක්ෂ මහතාට ඇමරිකාවේදී මුදල් විශුද්ධිකරණය සම්බන්ධයෙන් චෝදනා එල්ල වී ඇති බව පාර්ලිමේන්තු විමල් වීරවංශ මහතා පෙරේදා (10) සිරස රූපවාහිනී නාලිකාව සමග සම්මුඛ සාකච්ඡාවකට එක්වෙමින් ප්‍රකාශ කර තිබිණි.

ඇමතිකම් අහිමි වූ විමල් වීරවංශ මහතා, උදය ගම්මන්පිල මහතා ඇතුළු ආණ්ඩුවේ පක්ෂ 11 කණ්ඩායම යළිත් නුගේගොඩින් සටන ආරම්භ කිරීමට තීරණය කර ඇති බව දේශපාලන ආරංචි මාර්ග පවසනවා.

ඊයේ (10) සිරස රූපවාහිනී නාලිකාවේ විකාශය වූ සම්මුඛ සාකච්ඡාවකට පාර්ලිමේන්තු මන්ත්‍රී විමල් වීරවංශ මහතා සහභාගී වී තිබුණු අතර ඔහු එහිදී රාජපක්ෂ පවුලට ඉතාම දැඩි ප්‍රහාරයක් එල්ල කිරීමට ද කටයුතු කළේය.