Tag: හරිත අලුත්ගේ

දිනපතා සිදුකෙරෙන ශල්‍ය කර්ම ප්‍රමාණයක් ප්‍රමාද කිරීමට සෞඛ්‍ය අමාත්‍යාංශ මේ වන විට තීරණය කර තිබෙන අතර එය නිල වශයෙන් ජනමාධ්‍ය වෙත නිකුත් කර ඇති නමුත් මේ අනතුර ගැන රජයේ වෛද්‍ය නිලධාරීන්ගේ සංගමය ලෙස පුරෝකථනය කර සෞඛ්‍ය බලධාරීන්ව දැනුවත් කළද ඒවා නෑසූ කණින් සිට අවසානයේ එම අනතුර වෙත ගමන් කළ බලධාරීන්ට ජනතාව සම්බන්ධයෙන් ඇති වගකීම මෙයද යන්න ප්‍රශ්න කරන බව රජයේ වෛද්‍ය නිලධාරීන්ගේ සංගමය ප්‍රකාශ කරයි.

සංශෝධිත ආදායම් බදු පනතට එරෙහිව එළඹෙන 23 වැනිදා කළු සතියක් ආරම්භ කරන බව රජයේ වෛද්‍ය නිලධාරීන්ගේ සංගමය අවධාරණය කළේය.

වත්මන් පාලකයන් තවදුරටත් උද්ධච්ච මානසිකත්වයෙන් බහුතර ජනතාවගේ මතයට ගරු නොකර කටයුතු කරන්නේ නම් එය පරාජය කිරීම සඳහා රජයේ වෛද්‍ය නිලධාරීන්ගේ සංගමය ලෙස දැඩි වෘත්තීය ක්‍රියාමර්ග ගැනීමට නොපැකිලෙන බව එම සංගමයේ ලේකම් වෛද්‍ය හරිත අලුත්ගේ මහතා අවධාරණය කළේය.