විදුලි බිල නැවත වැඩි කළහොත් එය නැවැත්වීමට කටයුතු කරන බව මහජන උපයෝගිතා කොමිසමේ සභාපති ජනක රත්නායක මහතා පැවසීය.
අත්තනෝමතික ලෙස විදුලි බිල වැඩිකිරීමට විෂයභාර ඇමැති කංචන විජේසේකර මහතාට අයිතියක් නැතැයි ද එසේ වැඩිකරනවා නම් අනිවාර්යයෙන්ම මහජන උපයෝගිතා කොමිසමේ අනුමැතිය හිමිවිය යුතු බව ද රත්නායක මහතා කීවේය.
විදුලි බිල වැඩි කළොත් අධිකරණයට යන බව පැවසුව ද එසේ වුවත් එය ක්රියාත්මක වීම වැළැක්වීමට කොමිසමට හැකියාව පවතින බව ද ඒ මහතා පැවසීය.
පසුගිය අගෝස්තු මසයේ විදුලි බිල වැඩි කිරීමෙන් පසු විදුලි බල මණ්ඩලය මේ වනවිට ලාභ ලබමින් සිටින නිසා විදුලි බිල වැඩිකර මහජනතාව මේ අවස්ථාවේ පීඩනයට පත් නොකළ යුතු බව කොමිසමේ විශ්වාසය බව ද රත්නායක මහතා වැඩිදුරටත් කියා සිටියේය.
රෂිකා හෙන්නායක
