සටහන – රෂිකා හෙන්නායක
ජනවාරි 03 කොළඹ (LNW): මෙරට නවසීලන්ත මහ කොමසාරිස් Michael Appleton මහතා සිය ධුර කාලය අවසන් කර පිටත්ව යාමට මත්තෙන්, කම්කරු හා විදේශ රැකියා අමාත්ය මනූෂ නානායක්කාර මහතා සමඟ ඊයේ (02) දා හමුවක් පැවැත්වුණි.
අමාත්යවරයා Michael Appleton මහතා මෙරට නවසීලන්ත මහ කොමසාරිස්වරයා වශයෙන් සිදුකළ සේවයද අගය කළ අතර, ඔහුගේ ඉදිරි කටයුතු වලට සුබ පැතුම්ද මෙහිදී එක් කර ඇත.
එමෙන්ම මීට පෙර සාකච්ඡා කර තිබූ පරිදිම මෙහිදී නවසීලන්ත රැකියා ඉලක්ක කරගත් සම්පත් මධ්යස්ථානයක් පිහිටුවීම සහ එය ඉදිරියටත් පවත්වාගෙන යාම සම්බන්ධයෙන්ද සාකච්ඡා කර ඇති බවද අඳහන් වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
