ගතවූ මාස තුනක කාලය තුළ පාතාල කල්ලි අතර ගැටුම් හේතුවෙන් වෙඩිතැබීමේ සිද්ධි 36ක් වාර්තා වී ඇති බව ආරංචිමාර්ග පවසයි.
එම සිද්ධිවලදී පුද්ගලයින් 19 දෙනෙකු ඝාතනය වී ඇති බව සඳහන්.
මෙය බරපතළ තත්වයක් බව අමුතුවෙන් කිව යුතු නොවේ.
ඒ අනුව, පාතාල මර්දනයෙහිලා පොලීසිය යම් මන්දගාමී ස්වරූපයකින් කටයුතු කරන බවක් පැහැදිලිවම පෙන්නුම් කෙරේ.
මීට හේතුවී ඇත්තේ නව රජයේ ඇතැමුන් පොලීසිය සම්බන්ධයෙන් කටයුතු කරන ආකල්පයේ ගැටලුවක්, එනම් ඔවුන් පොලිස් නිලධාරීන් දෙස බලන්නේ පොලීසිය සැකකරුවන් දෙස බලන ආකාරයෙන්ම වීම නිසා නිලධාරීන් මන්දෝත්සාහී වීමේ තත්වයක් බවත් ආරංචිමාර්ග වැඩිදුරටත් ප්‍රකාශ කළේය.
