අද (05) මධ්‍යම රාත්‍රියේ සිට ක්‍රියාත්මක වන පරිදි ලිට්‍රෝ ගෑස් මිල පහළ දැමීමට පියවර ගෙන තිබේ.
ලිට්‍රෝ සමාගමේ සභාපති මුදිත පීරිස් මහතා මාධ්‍ය හමුවක් කැඳවමින් මේ බව සඳහන් කළේය.
ඒ අනුව 12.5 ගෘහස්ත ගෑස් සිලින්ඩරයක් රු. 201කින් පහළ දමා ඇති අතර එහි නව මිල රුපියල් 4409කි.
කිලෝ ග්‍රෑම් 5 ගෑස් සිලින්ඩරයක මිලද රුපියල් 80කින් මිල පහළ දමා තිබේ. ඒ අනුව එහි නව මිල රුපියල් 1770ක් ලෙස සඳහන් වේ.
එමෙන්ම කිලෝග්‍රෑම් 2.3ක ගෑස් සිලින්ඩරයක මිල රුපියල් 38කින් පහළ දැමීමට කටයුතු කර තිබෙන අතර එහි නව මිල වන්නේ රු.822කි.
ශක්තිමත් රාජ්‍ය ආයතනයක් ලෙස 2023 වසර ආරම්භ කරන්නේ බිලියනයකට අධික වාර්තාගත ලාභයක් ලබමින් බවද මුදිත පීරිස් මහතා කියාසිටියේය.
ASK
