2021 වසරේදී වැලිකඩ බන්ධනාගාරයේ ඇතිවූ ගැටුමක් අතරතුර රැඳවියන් 8 දෙනෙකු වෙඩිතබා ඝාතනය කිරීම සම්බන්ධයෙන් පොලිස් මත්ද්රව්ය නාශක කාර්යාංශයේ හිටපු පොලිස් පරීක්ෂක නියෝමාල් රංගජීව සහ හිටපු බන්ධනාගාර අධිකාරීවරයකු වන එමිල් රංජන් ළමාහේවා යන අයට එරෙහිව ගොනුකර ඇති නඩුවේ තීන්දුව අද (06) ප්රකාශයට පත්කිරීමට නියමිතව තිබේ.
ගිහාන් කුලතුංග, ප්රදීප් හෙට්ටිආරච්චි සහ මංජුල තිලකරත්න යන මහත්වරුන්ගෙන් සමන්විත ත්රිපුද්ගල මහාධිකරණ විනිසුරු මඩුල්ලක් ඉදිරියේ මෙම නඩුව වසර තුනකට අධික කාලයක් තිස්සේ විභාගයට ගැණිනි.
මෙම නඩුවට අදාළව පැමිණිල්ලේ සහ විත්තියේ දේශන අවසන් කිරීමෙන් අනතුරුව පසුගිය දෙසැම්බර් 10 වනදා මහාධිකරණ විනිසුරු මඬුල්ල පැවසුවේ නඩු විභාගයේදී ඉදිරිපත් වූ සාක්ෂිවල පවතින සංකීර්ණ ස්වභාවය හේතුවෙන් ඒ පිළිබඳව පුළුල් ලෙස අධ්යනය කිරීමට කාලය අවශ්ය බවත් නඩුවේ තීන්දුව 2022 ජනවාරි 06 වනදා ප්රකාශයට පත්කරන බවත්ය.
ඒ අනුව අද දිනයේදී එම තීන්දුව ප්රකාශයට පත්කිරීමට නියමිතය.
RN
