සටහන – රුවන් නෙළුගොල්ල
කොළඹ කොටස් වෙළඳපොල අඛණ්ඩව දෙවැනි දිනටත් පසුබෑමක් ඊයේ (ජනවාරි 06) පෙන්නුම් කළේය.
ඒ අනුව ඊයේ දිනයේ ගනුදෙනු අවසානයේ දී සියලු කොටස් මිල දර්ශකය (ASPI) ඒකක 170.82 කින් පහළ ගොස් ඒකක 15,878.60 ක් ලෙසින් වාර්තා වූ අතර ඒකක 16,000 සීමාවෙන් යළිත් පහළට පැමිණියේය.
S&P SL20 මිල දර්ශකය ද ඊයේ දිනයේදී ඒකක 55.39 කින් පහළ ගොස් ඒකක 4804.94ක් වශයෙන් සටහන්ව තිබිණි.
අඛණ්ඩව දින 26ක් තිස්සේ ඉහළ ගිය කොටස් වෙළඳපොල මිල දර්ශක පහළ යාමක් වාර්තා වූයේ පසුගිය සිකුරාදා (ජනවාරි 03) දිනයේදී ය. එහිදී සියලු කොටස් මිල දර්ශකය ඒකක 299.13ක දැවැන්ත කඩා වැටීමක් පෙන්නුම් කළේය.
