රෂිකා හෙන්නායක ජනවාරි 07, කොළඹ (LNW):
පෞද්ගලික බස් රියදුරන් හෙට (8) මධ්‍යම රාත්‍රියෙන් අනතුරුව සිය ධාවන කටයුතුවලින් ඉවත්වීමට තීරණය කර ඇති බව අන්තර් පළාත් පෞද්ගලික බස් සංගමයේ සභාපති සරත් විජිත කුමාර මහතා මාධ්‍ය හමුවකට එක්වෙමින් පවසා සිටී.
ඒ මහතා එහිදී වැඩිදුරටත් ඉල්ලා සිටියේ, ඊට පෙර අදාළ බලධාරින් සමඟ සාකච්ඡාවක් ලබා දෙන ලෙසටයි.
සභාපතිවරයා පෙන්වා දෙන්නේ, ක්ලීන් ශ්‍රී ලංකා වැඩසටහන යටතේ පොලිසිය විසින් සිදු කරන ලබන ක්‍රියා හේතුවෙන් බස් රියදුරන සහ කොන්දොස්තරවරුන් දැඩි පීඩාවකට පත්ව සිටින බවයි.
“රියදුරෝ කියලා තියෙනවා බදාදා බස් ධාවනයෙන් ඉවත් වෙනවා කියන එක. හැබැයි, අද, හෙට, අනිද්දා කියලා කාලය තියෙනවා. අපි සාකච්ඡා කරන්න ලෑස්තියි. මං හිතන්නේ ගැමුණුත් කිව්වා, සාකච්ඡාවක් අවශ්‍යයි කියන එක. ඇත්තමට අපේ රියදුරෝ බොහෝම අපහසුතාවයකට පත් වෙනවා. ධාවනය කරන්න බැහැ කියන කතාව තමා කියන්නේ. ඒකට විසඳුමක් හොයාගන්න එක තමයි හරි පිළිතුර. බස් වර්ජනයක් වුණොතින්, රජයටත් අපහසුතාවකට පත් වෙන්න සිද්ධ වෙනවා.” ලෙස කියා සිටියේය.
