Thursday, September 29, 2022
spot_img
spot_img

Latest Posts

මෛත්‍රීව බේරාගෙන ඉන්න එක තමයි ලොකුම වැරැද්ද. ළඟදීම ජනාධිපතිතුමා ක්‍රියාමාර්ග ගනීවි – දිළුම්

ආණ්ඩුව කරන ලොකුම වරද හිටපු ජනාධිපති මෛත්‍රීපාල සිරිසේන මහතාව බේරාගෙන සිටීම බවත් ඒ මහතා සම්බන්ධයෙන් අවශ්‍ය ක්‍රියාමාර්ග නුදුරේදීම ජනාධිපති ගෝඨාභය රාජපක්ෂ මහතා විසින් ගනු ඇති බවත් රාජ්‍ය අමාත්‍ය දිළුම් අමුණුගම මහතා පවසයි.

ප්‍රශ්නය – ශ්‍රී ලංකා නිදහස් පක්ෂයේ සභාපතිතුමා ආණ්ඩුවට දැඩි ලෙස විවේචන එල්ල කරනවා ?

“එතුමාව බේරාගෙන ඉන්න එක තමයි කරන ලොකුම වැරැද්ද. ඒක නිසා අපිත් එක්ක තරහාවෙන මිනිස්සු විශාලයි. අවශ්‍ය ටික කෙරුවා නම් ඉවරයි. ජනාධිපතිතුමා ඒක වැඩිකල් යන්න කලින් කරයි මං හිතන්නෙ”

ප්‍රශ්නය – රජයේ පැවැත්මට බලපෑමක් වෙයිද ඒකෙන් ?

“නෑ, රජයේ පැවැත්මට කොහොමද බලපෑමක් වෙන්නෙ ? ආප්ප කාලා පැනලා ගියාට පස්සෙ අපි අලුත් පක්ෂයක් හදලා, තුනෙන් දෙකක බලයක් ලබාගෙන, මහින්ද රාජපක්ෂ මැතිතුමා අගමැතිත් කරලා, එතුමාගෙ සහෝදරයා ජනාධිපතිත් කෙරුවා. ඉතින් ඉතුරු ටික කරන්න මෙතුමලා ඕනෙද ? ඔවුන් ඉන්න එක තමා බලපෑම. ගියා නම් මීට වඩා ලේසියි මේක”

රාජ්‍ය අමාත්‍ය දිළුම් අමුණුගම මහතා මේ බව පැවසුවේ ඊයේ (09) දිනයේදී මාධ්‍යවේදීන් නැඟූ ප්‍රශ්න කිහිපයකට පිළිතුරු දෙමිනි.

RN

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.