ඉදිරි ජනාධිපතිවරණය 2024 සැප්තැම්බර් මාසයේ දී ද, මහ මැතිවරණය 2025 ජනවාරි මාසයේ දී ද පැවැත්වීමට ජනාධිපති වික්රමසිංහ විසින් තීරණය කර ඇතැයි එක්සත් ජාතික පක්ෂයේ ජ්යෙෂ්ඨ නායකයකු වන හිටපු අමාත්ය අඛිල විරාජ් කාරියවසම් මහතා පවසයි.
ජනාධිපතිවරයා මේ බව පවසා ඇත්තේ, ජනාධිපති කාර්යාලයේ ඊයේ (09) පැවති එක්සත් ජාතික පක්ෂයේ කළමනාකරණ කමිටු රැස්වීමේ දීය.
එසේම 2025 මාර්තු මාසයේදී පළාත් සභා මැතිවරණය පැවැත්වීමට කටයුතු කරන බව ද ජනාධිපතිවරයා එහිදී අවධාරණය කර තිබේ.
තමන් නිර්පාක්ෂික අපේක්ෂකයකු ලෙස ජනාධිපතිවරණයට ඉදිරිපත් වන බව පවසා ඇති ජනාධිපතිවරයා මෙම ජාතික මැතිවරණ ජයග්රහණය කිරීම සඳහා පක්ෂයේ සංවිධාන කටයුතු වහාම ආරම්භකරන ලෙස දැනුම් දී ඇති අතර, රටේ ආර්ථිකය ගොඩදැමීමට තමන්ට තවත් මාස කිහිපයක් පුර්ණ කාලීනව අවධානය යොමුකළ යුතු හෙයින්, මැතිවරණ ව්යාපාරයට එකතුවන්නේ අප්රේල් මාසයෙන් පසුව බවට ද දැනුම් දුන් බව ද අඛිල විරාජ් කාරියවසම් වැඩිදුරටත් සඳහන් කළේය.
RN
