කොළඹ මහ නගරසභාවේ මුදල් කාරක සභාවේ බලය අත්පත් කරගැනීමට ඒකාබද්ධ විපක්ෂ කණ්ඩායම අද (14) සමත්ව තිබේ.
අද පැවති කාරක සභා රැස්වීමේදී ජාතික ජන බලවේගයේ කණ්ඩායම පරාජය කරමින් ඒකාබද්ධ විපක්ෂ කණ්ඩායම එහි බහුතර බලය ලබාගෙන ඇත.
ඒ අනුව විපක්ෂ කණ්ඩායම බහුතර බලය හිමිව ඇති හෙයින් නගරාධිපතිනියට ඔවුන් සමග මුදල් කාරක සභාවේ කටයුතු කරගෙන යාමට මින් ඉදිරියට සිදුවේ.
මේ ආකාරයෙන්ම කොළඹ නගර සභාවේ පවතින කාරක සභා 23හිම බලය අත්පත් කරගැනීමට ඒකාබද්ධ විපක්ෂ කණ්ඩායම ඉදිරියේදී කටයුතු කිරීමට සූදානමින් සිටින බවත් වාර්තා විය.
