සටහන – නිශ්මං රණසිංහ
ජනවාරි 16, කොළඹ (LNW): සිම්බාබ්වේ කණ්ඩායම සහ ශ්‍රී ලංකා කණ්ඩායම අතර පැවත්වෙන විස්සයි විස්ස තරගාවලියේ දෙවන තරගයේදී ක්‍රීඩා නොකළ වේග පන්දු යවන ඩිල්ෂාන් මධුශංක කැඳවා ඇත.ඒ පළමු තරගයට ක්‍රීඩා කළ වේග පන්දු යවන නුවන් තුෂාර වෙනුවටයි.
තරගයේ කාසියේ වාසිය සිම්බාබ්වේ නායක සිකන්දර් රාසා ට හිමි විය.ඔහුගේ ආරාධනයට අනුව පළමුවෙන් පන්දුවට පහර දෙන්නේ ශ්‍රී ලංකා කණ්ඩායමයි.
තරගය පස්වරු 7.00 ට ආරම්භ වීමට නියමිත අතර කණ්ඩායම් දෙකේම ක්‍රීඩකයින් මේ වනවිටත් පෙර පුහුණුවීම්වල නිරත වෙමින් සිටිති.මේ සමග දැක්වෙන්නේ ශ්‍රී ලංකා කණ්ඩායමේ සහය පුහුණුකරු නවීඩ් නවාස් ශ්‍රී ලංකා ක්‍රීඩකයන්ගේ පුහුණු කටයුතු සඳහා සහය වූ ආකාරයයි.
