*
Saturday, June 22, 2024
spot_img

Latest Posts

කොරියාවෙන් කෝටි 43ක ඖෂධ හා වෛද්‍ය උපකරණ පරිත්‍යාගයක්!

මෙරට සෞඛ්‍ය පද්ධතියට අත්‍යවශ්‍ය කෝටි 43ක ඖෂධ හා වෛද්‍ය උපකරණ තොගයක් කොරියානු රජයේ හා ජනතාවගේ සහයෝගයෙන් ඊයේ (17) සෞඛ්‍ය අමාත්‍යාංශය වෙත පරිත්‍යාග කර තිබුණි.

කොරියානු සංවිධානයක් වන The Global Life Sharing ආයතනය මගින් එකතු කරනු ලැබූ මෙම පරිත්‍යාගයන් World Unreached People Mission සංවිධානයේ සම්බන්ධීකරණයෙන් හා සහයෝගයෙනුයි ඒවා මෙරටට ලැබී තිබුණේ.

එම ආයතනයන්හි ශ්‍රී ලංකා අධ්‍යක්ෂ දේවගැති ඒ.ෆ්‍රැන්සිස් මහතා විසින් නිල වශයෙන් සෞඛ්‍ය අමාත්‍ය කෙහෙළිය රඹුක්වැල්ල මහතා වෙත භාර දී තිබේ.

අදියර කිහිපයක් ඔස්සේ පරිත්‍යාග කිරීමට නියමිත මෙම ඖෂධ හා ඖෂධ උපකරණ අතුරින් මෙලෙස පරිත්‍යාග කෙරුණු කෝටි 43 ක පළමු පරිත්‍යාගයේ අක්ෂි රෝග, බැක්ටීරියා ආසාදන, චර්ම රෝග ,ප්‍රතිජීවක හා වේදනා නාශක ඖෂධ හා උපකරණ රැසක් වෙයි.

මෙම අවස්ථාවේදී අදහස් දක්වමින් කෙහෙළිය රඹුක්වැල්ල මහතා පවසා තිබුණේ ගෝලීය කොවිඩ් ව්‍යසනයේදී මෙන්ම රට තුළ පවතින වත්මන් අභියෝගාත්මක පරිසරය තුළ ජාත්‍යන්තර සංවිධාන හා ආයතන මෙරට සෞඛ්‍ය පද්ධතියට විශාල සහයෝගයක් ලබා දුන් බවත් තවදුරටත් එවැනි සහයෝගයන් ලැබෙමින් පවතින බවත්ය.

එමෙන්ම විශේෂයෙන් කොරියානු රාජ්‍යයේ ජනතාව මෙන්ම World Unreached People Mission ආයතනය ඇතුළු මේ සඳහා දායක වූ සියලු පාර්ශවයන් වෙත අමාත්‍යවරයා සිය ප්‍රසාදය පළ කර ඇත.

ඉදිරියේදී මෙම වැඩසටහන යටතේ පාසැල් හා රෝහල් කරාද අත්‍යවශ්‍ය උපකරණ ඖෂධ ලබාදීම ක්‍රියාත්මක කරන බව දේවගැති ඒ.ෆ්‍රැන්සිස් මහතා සඳහන් කර තිබේ.

මෙම අවස්ථාව සඳහා හිටපු සෞඛ්‍ය නියෝජ්‍ය අමාත්‍යවරයෙකු වන වඩිවේල් සුරේෂ්,සෞඛ්‍ය අමාත්‍යාංශයේ අතිරේක ලේකම් වෛද්‍ය සමන් රත්නායක, සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන, ඇතුළු පිරිසක් සහභාගී වී ඇත.

ASK

Latest Posts

spot_img

දේශපා

Don't Miss

Stay in touch

To be updated with all the latest news, offers and special announcements.

eskişehir escort sakarya escort sakarya escort bayan eskişehir escort bayan