නාරම්මල ප්රදේශයේදී ඊයේ (18) සවස පොලිස් නිලධාරියකුගේ වෙඩි පහරකින් පුද්ගලයකු මියයාම සම්බන්ධයෙන් විශේෂ පොලිස් පරීක්ෂණයක් ආරම්භ කර ඇති බව පොලිස් මාධ්ය ප්රකාශක, ජ්යෙෂ්ඨ පොලිස් අධිකාරී නිහාල් තල්දූව මහතා පවසයි.
මෙම සිදුවීම අදාළ පොලිස් නිලධාරියාගේ නොසැලකිලිමත්කම සහ ඔහු විසින් නිසි ක්රියාපටිපාටිය පිළි නොපැදීම නිසා සිදුව ඇතැයි නිරීක්ෂණය වී ඇති බවයි ඒ මහතා සඳහන් කළේ.
යම් අනපේක්ෂිත සිදුවීමක් නිසා අමතක වීමකින් ගිනි අවිය ක්රියාත්මක වන්නට ඇතැයි අදාළ පොලිස් නිලධාරියා පවසන නමුත් සිද්ධිය පිළිබඳ වැඩිදුර සොයාබැලීමේදී ඔහුගේ දුර්වලතා කිහිපයක්ම දැකගැනීමට ලැබී ඇති බවත් පොලිස් මාධ්ය ප්රකාශකවරයා පැවසීය.
එසේම පොලිස් නිලධාරීන් 80,000 ක පමණ පිරිසක් රාජකාරියේ නිරත වන්නේ ජනතාවගේ ආරක්ෂාව වෙනුවෙන් බව පැවසූ ඒ මහතා මෙම පොලිස් නිලධාරියාගේ ක්රියාකලාපය පොලිසිය කිසිසේත්ම අනුමත නොකරන බවත් පොලිසිය කිසිසේත්ම මෙවැනි දෑ හිතාමතා නොකරන බවත් මෙම පොලිස් නිලධාරියාගේ ක්රියාව නිසා සමස්ත පොලිසියටම අපකීර්තියක් සිදුව ඇති බවත් වැඩිදුරටත් ප්රකාශ කළේය.
සිද්ධියෙන් මියගොස් ඇත්තේ 41 හැවිරිදි පුද්ගලයකු වන අතර වෙඩි තැබූ පොලිස් නිලධාරියා 59 හැවිරිදි අයෙකි.
RN
