ලොරි රථයක් තුළ සඟවාගෙන ප්රවාහනය කරමින් සිටි පුපුරණ ද්රව්ය තොගයක් බිංගිරිය පොලිසිය විසින් සොයාගෙන තිබේ.
විලත්තව ප්රදේශයේ මාර්ග බාධකයක රාජකාරියේ යෙදී සිටි බිංගිරිය පොලිස් ස්ථානයේ පොලිස් නිලධාරීන්ට සැක සිතී අදාළ ලොරිය පරීක්ෂා කර ඇති බවයි පොලිස් මාධ්ය ප්රකාශක කාර්යාලය සඳහන් කළේ.
එහිදී සූක්ෂම ලෙස සඟවා තිබූ ප්ලාස්ටික් බටවල අසුරන ලද පුපුරණ ද්රව්ය අඩංගු බට 89ක්, අඩි 80ක් දිගින් යුත් සේවා නූල් 21ක්, ඩෙටනේටර් 100ක් බැගින් අසුරන ලද පෙට්ටි 9ක් සමග සැකකරුවන් දෙදෙනෙක් අත්අඩංගුවට ගෙන ඇත.
මෙසේ අත් අඩංගුවට ගෙන ඇත්තේ මන්නාරම ප්රදේශයේ පදිංචි 33 හැවිරිදි සහ 44 හැවිරිදි පුද්ගලයින් දෙදෙනෙකි.
සැකකරුවන් අද (24) හෙට්ටිපොළ මහේස්ත්රාත් අධිකරණයට ඉදිරිපත් කිරීමට නියමිත අතර බිංගිරිය පොලීසිය වැඩිදුර විමර්ශන සිදුකරයි.
RN
