සටහන – රුවන් නෙළුගොල්ල
කොළඹ වරායේ බහාලුම් නිෂ්කාශන කටයුතු ප්‍රමාද වීමෙන් තදබදයක් ඇතිව තිබෙද්දී පරීක්ෂාවකින් තොරව මුදාහරින ලද බහාලුම් 323 අතරේ කිසියම් සුවිශේෂී පුද්ගලයකුගේ බහාලුම් ද තිබුණේදැයි ප්‍රශ්නයක් ඇති බව සමගි ජන බලවේගයේ පාර්ලිමේන්තු මන්ත්‍රී නලින් බණ්ඩාර පවසයි.
“මේ පිටුපස මොනවාහරි ජාවාරමක් තියෙනවද ? කාගේහරි සුවිශේෂී පුද්ගලයෙකුගේ කන්ටේනර් මෙතන ආවාද ? ඔය ආණ්ඩුකාරවරයාගෙ කන්ටේනර් තිබුණා කියනවා, එක එක කතා කියනවා, අපි දන්නෙ නෑ. දැන් මේ ගැන හරි පරීක්ෂණයක් පවත්වනවාද ? මේ ආණ්ඩුවට හරියට වැඩක් කරගන්න බෑ. පැය 48න් වැඩ කරනවා කියලා ආපු ආණ්ඩුවනෙ”
නලින් බණ්ඩාර පාර්ලිමේන්තු මන්ත්‍රීවරයා මේ බව පැවසුවේ ඊයේ (ජනවාරි 25) පැවති මාධ්‍ය හමුවක් අමතමිනි.
