මැතිවරණ කොමිසමේ සාමාජිකයකු ඉල්ලා අස්වී ඇති බවට සහ කොමිසමේ සභාපතිවරයා ඇතුළු සාමාජිකයින් ඉල්ලා අස්වී ඇති බවට මාධ්‍ය ඔස්සේ පළවූ පුවත් අසත්‍යය බව මැතිවරණ කොමිසම නිවේදනයක් නිකුත් කරමින් පවසයි.
සභාපතිවරයා ඇතුළු මැතිවරණ කොමිසම එහි ව්‍යවස්ථාපිත කාර්යයන් හා 2023 පළාත් පාලන මැතිවරණයට අදාළ කාර්යයන් කිසිදු අඩාල වීමකින් තොරව, සැලසුම් කර ඇති ආකාරයට ක්‍රියාත්මක කරන බවයි එම කොමිසම සඳහන් කරන්නේ.
මැතිවරණ කොමිසම කෙරෙහි ජනතාවගේ විශ්වාසය පළුදු කිරීමේ අරමුණින් යුතුව අසත්‍ය පුවත් වරින් වර නිර්මාණය කර ප්‍රචාරණය කරන බවක් නිරීක්ෂණය වී ඇති බව ද එම කොමිසම වැඩිදුරටත් නිවේදනය කර තිබේ.
RN
