විදුලි කප්පාදුවක් සඳහා අවසර ලබාදෙන්නේද නැද්ද යන්න සම්බන්ධයෙන් මහජන උපයෝගීතා කොමිසම විසින් අද (27) දිනයේදී තීන්දු කිරීමට නියමිතව තිබේ.
එම කොමිසමේ සභාපති ජනක රත්නායක මහතා සඳහන් කළේ අද දහවල් කොමිසම රැස්වී තත්වය සමාලෝචනය කිරීමෙන් අනතුරුව තීන්දුවක් ගන්නා බවයි.
පසුගිය 25 වනදා මහජන උපයෝගීතා කොමිසම විසින් සිදුකළ සමාලෝචනයට අනුව තීන්දු කර තිබුණේ අද දිනය දක්වා විදුලි කප්පාදුවක් සිදු නොකිරීමට ය.
කෙසේවෙතත් මේ වනවිට නඩත්තු කටයුත්තක් හේතුවෙන් කැළණිතිස්ස සොජිට්ස් පෞද්ගලික විදුලි බලාගාරය අක්‍රිය වී ඇති අතර ඒ නිසා මෙගාවොට් 162ක විදුලි ධාරිතාවක් ජාතික පද්ධතිය අහිමි වී තිබේ.
RN