*
දේශීය පුවත් විස්තරය: සාරාංශය 01/29
- චීනය විසින් ශ්‍රී ලංකාවට ලබා දී ඇති වසර 02 ක ණය සහන කාලය, ජාත්‍යන්තර මූල්‍ය අරමුදලේ වසරකට 04 කට යටත් ඇ.ඩො. බිලියන 2.9 ක මූල්‍ය පහසුකම අනුමත කරවා ගැනීමට තරම් ප්‍රමාණවත් නැති බව රාජ්‍ය තාන්ත්‍රික ආරංචිමාර්ග සඳහන් කරයි – 2022 මුල් කාලයේදී ඇ.ඩො. බිලියන 2.5 ක ණය පහසුකමක් ලබාදීමට චීනය එකඟ වී සිටි අතර, 2022 අප්‍රේල් 12 වන දින මහ බැංකුව විසින් ණය පැහැර හැරීම ප්‍රකාශයට පත් කිරීමත් සමඟ එම අවස්ථාව අනපේක්ෂිත ලෙස ගිලිහී ගියේය.
- 2022 වර්ෂයේ ආර්ථික වර්ධන අනුපාතය සියයට සෘණ 11 ක් බවත් එය මෙම වර්ෂයේ සියයට සෘණ 3.5 හෝ සෘණ 4.0 විය හැකි බව ජනාධිපති රනිල් වික්‍රමසිංහ පවසයි – රට බංකොලොත්බව ප්‍රකාශ කිරීමට පෙර 2022 ආර්ථික වර්ධනය සියයට ධන 4.5 ලෙසට පැවති අතර, 2023 දී සියයට ධන 5.0 වනු ඇති බවට පුරෝකථනය කර තිබිණි – ආර්ථික වර්ධනය 2024 වර්ෂයේ සිට ධන තත්ත්වයක් ගනු ඇති බවට ද ජනපතිවරයා පුරෝකථනය කරයි.
- 2019 දී ඇ.ඩො. මිලියන 1.6 ක පමණ ආදායම් බදු, වැට් බදු සහ ජාතිය ගොඩනැංවීමේ බදු පැවති බව ජනාධිපති රනිල් වික්‍රමසිංහ පවසයි – එම ප්‍රමාණය 2021 දෙසැම්බර් වන විට ඇ.ඩො. 400,000 ට පමණ පහත වැටුණු බවත්, එසේ සිදුවූයේ 2020 දී එවකට රජය විසින් බදු සහන ලබා දීම නිසා බවත්, මෙම ආදායම පහත වැටීම වත්මන් ආර්ථික අර්බුදය ඇතිවීමට හේතුවූ බවත් පවසයි.
- දැනට පවතින හොඳම සහ එකම විකල්පය ජාත්‍යන්තර මූල්‍ය අරමුදල බව මුදල් රාජ්‍ය අමාත්‍ය රංජිත් සියඹලාපිටිය පවසයි – ජාත්‍යන්තර මූල්‍ය අරමුදල විසින් කොන්දේසි පැනවීමක් සිදුකර නැති බවත්, ආර්ථිකය ශක්තිමත් කිරීම සඳහා අවශ්‍ය මඟපෙන්වීමක් පමණක් සිදුකර ඇති බවත් පවසයි.
- ජනාධිපතිගේ ආරාධනය මත එක්සත් ජාතීන්ගේ හිටපු මහ ලේකම් බැන් කී මූන් එළඹෙන පෙබරවාරි මුල දිවයිනට පැමිණීමට නියමිතයි – තිරසාර සංවර්ධනය සහ දේශගුණික විපර්යාසවලට අදාළව ගිවිසුම් කිහිපයකට අත්සන් කිරීමට නියමිත බව ද සඳහන් – යෝජිත දේශගුණික විපර්යාස විශ්ව විද්‍යාලය ශ්‍රී ලංකාවේ ස්ථාපිත කිරීම පිළිබඳ සාකච්ඡා කිරීමට ද නියමිත ය.
- මෙම වර්ෂයේ සිට විද්‍යුත් ගමන් බලපත්‍රයක් හඳුන්වා දීමට රජය කටයුතු කරනු ඇති බව මහජන ආරක්ෂක අමාත්‍ය ටිරාන් අලස් පවසයි – ආගමන විගමන දෙපාර්තමේන්තුවේ ශාඛා 54 ක් දිවයින පුරා ස්ථාපිත කෙරෙනු ඇති බව ද පවසයි.
- මත්ද්‍රව්‍ය ජාවාරම්කරුවන්ට තම ක්‍රියාන්විතයන් වහා නවතන ලෙසට මහජන ආරක්ෂක අමාත්‍ය ටිරාන් අලස් දැඩි අවවාදයක් නිකුත් කරයි – එවන් අපරාධකරුවන් අල්ලා ගැනීමට සහ ඔවුන්ගේ ක්‍රියාන්විතයන් විනාශ කර දැමීමට පියවර ගන්නා බව ද පවසයි.
- “Twins Miss and Mr World 2023” තරඟාවලියට තරඟ වදින පුද්ගලයන් 30 දෙනෙකු ද ඇතුළුව නිවුන් සහ නිවුන් නොවන අමුත්තන් දහස් ගණනින් ශ්‍රී ලංකාවට පැමිණීමට නියමිත බව Global Twins Multiple Birth Forum හි නිර්මාතෘ සහ සභාපති උපුලි ගමගේ පවසයි – මෙම උත්සවය මඟින් ශ්‍රී ලංකාවට වෙනත් රටවල්වල අවධානය ලබා ගැනීම අපේක්ෂා කරන බව ද පවසයි.
- මැතිවරණ කොමිසමේ තවත් සාමාජිකයකු වන එම්.එම් මොහොමඩ් ට මරණ තර්ජන එල්ලවන බවට වාර්තා පළවෙයි – මීට ඉහත මැතිවරණ කොමිසමේ සාමාජික එස්.බී. දිවරත්නට මරණ තර්ජන එල්ල වූ අතර, ඔහුට නැවත වරක් මරණ තර්ජන එල්ල වෙමින් පවතින බව ද වාර්තා වෙයි – කොමිසම් සාමාජික කේ.පී.පී පතිරණට ද මීට ඉහත මරණ තර්ජන එල්ල වී තිබිණි.
- නීතිමය ක්‍රියාමාර්ගයක් ගැනීමට ප්‍රථම, ශ්‍රී ලංකා ක්‍රිකට් ලෝක කුසලානයේ වියදම් පිළිබඳ පරිපූර්ණ විගණනයක් සිදුකරන ලෙස රජයේ විගණකාධිපතිවරයාගෙන් ඉල්ලීමක් කරන ලෙස නීතිපති දෙපාර්තමේන්තුව ක්‍රීඩා අමාත්‍යංශයට උපදෙස් දෙයි.
