සටහන – රෂිකා හෙන්නායක
ජනවාරි 30 කොළඹ (LNW): අද උදැසන පැවති නිදහස් දින පෙරහුරුවේදි අනතුරට ලක් වූ පැරසුට් බටයන් බැලීමට ආරක්ෂක මාන්ඩලික ප්‍රධානි ජනරාල් ශවේන්ද්‍ර සිල්වා ජාතික රෝහලට පැමිණියේය.
අද (30) දහවල් නිදහස් සැමරුම් උත්සවයේ පෙර පුහුණුවීම් සිදුකරන අතර තුර පැරෂුට් භටයින් සිව්දෙනෙක් අනතුරකට ලක්ව රෝහල් ගත කිරීමට සිදු විය.
මෙලෙසට අනතුරට ලක්වූයේ ගුවන් හමුදා පැරෂුට් භටයින් දෙදෙනෙක් සහ යුද හමුදා පැරෂුට් භටයින් දෙදෙනෙකි.
ශ්‍රී ලංකා ගුවන් හමුදාව සඳහන් කළේ සුළඟේ දිශාව අනපේක්ෂිත ලෙස වෙනස්වීම මෙම අනතුරට හේතු වී ඇති බවයි.
පැරෂුට් සංදර්ශනයේ පෙරහුරුව අතරතුර දී ඉහළ අහසේ සිට බිමට ඇදවැටී රෝහල් ගතකළ පැරෂුට් භටයින් සිව්දෙනාගේ තත්ත්වය බරපතළ නොවන බව ගුවන් හමුදාව සඳහන් කළේය.
