ගම්පහ කළගෙඩිහේන ප්‍රදේශයේදී ජාතික ජන බලවේගයේ රැස්වීමට බිත්තර ප්‍රහාරයක් එල්ල කිරීම දේශපාලන මැදිත්වීමක ප්‍රතිඵලයක් බවත් එය සැගවිය නොහැකි බවත් පාර්ලිමේන්තු මන්ත්‍රී විජිත හේරත් මහතා අද (31) ජවිපෙ ප්‍රධාන කාර්යාලයේ පැවති මාධ්‍ය හමුවේදී පැවසුවේය.
අමාත්‍ය ප්‍රසන්න රණතුංග මහතා නිකුත් කර තිබෙන ලිපියෙන්ද එය තහවුරු වන අතර දැන් මොන ලියුම් දැම්මත් එම බිත්තර ප්‍රහාරයට දේශපාලන සම්බන්ධයක් පැවති බව කිසිවෙකුට හෝ වැසිය නොහැකි බවයි මන්ත්‍රීවරයා පැවසුවේ.
එතැන සිටි මැරයෙකුගේ කටින් ප්‍රසන්න රණතුංග මහතාගේ නම පිටවූ බව මෙහිදී විජිත හේරත් මහතා සඳහන් කළේය.
ඒ අනුව දැන් සිදුවන්නේ ලියුම් ගසා සිද්ධිය පොලීසියෙන් යටපත් කිරීමේ උත්සහයක් බව හෙතම කියාසිටියේය.
ASK