රට තුළ ජාතික සමගිය එකමුතුභාවය පැවතිය යුතු බවත් ජාති ආගම් අතර සමගියක් තිබිය යුතු බවත් සෑම ආගමකම ජාතියකයම ඉන්නේ එක අම්මගේ තාත්තගේ දූ දරුවන් බවත් සිංහල මුස්ලිම් දමිළ බර්ගර් වශයෙන් ජාති බෙදී තිබුණත් අපි හැමෝම ශ්‍රී ලාංකිකයන්ගේ දරුවන් බවත් මේ ජාතික සමගිය පොහොට්ටුව විසින් විනාශ කර මේ වන විට විවිධ ස්වාධීන අපේක්ෂකයන් හරහා නැවතත් ඔවුන්ගේ අපේක්ෂකයන් මැතිවරණයට ඉදිරිපත් කර ඇති බවත් විපක්ෂ නායක සජිත් ප්‍රේමදාස මහතා පවසයි.
විපක්ෂ නායක සජිත් ප්‍රේමදාස මහතා මේ බව කියා සිටියේ පසුගියදා (31) කාත්තන්කුඩියේ පැවැති ජන හමුවකට එක් වූ අවස්ථාවේ දීය.
කොවිඩ් සමයේ ආදාහනය ද භූමදානය ද යන ගැටලුවේ දී විද්‍යාවට වඩා ජාතිවාදය මූලික කර ගෙන මුස්ලිම් සහෝදරයන් සමඟ තිබූ වෛරය නිසා ඒ අවස්ථාවේ විද්‍යාව පැත්තකට තබා තමන්ගේ මතය අනුව කටයුතු කළ බවත් මේ තත්ත්වය අපි නතර කළ යුතු බවත් පැවසූ විපක්ෂ නායකවරයා කියා සිටියේ සමහර දේශපාලනඥයන් රාජපක්ෂලා කියන්නේ නම් තමන්ගේ ආගම වුනත් පාවා දෙන බව යි.
RN
