හෙට (08) දිනයේදී ජනාධිපති රනිල් වික්රමසිංහ මහතාගේ ප්රධානත්වයෙන් පැවැත්වීමට නියමිත පාර්ලිමේන්තුවේ නව සභාවාරය විවෘත කිරීමේ උත්සවය වර්ජනය කිරීමට සමගි ජන බලවේගය තීරණය කර තිබේ.
ජනාධිපතිවරයා පසුගිය පාර්ලිමේන්තු සැසිවාරය අවසන් කිරීමට කටයුතු කර ඇත්තේ පාර්ලිමේන්තුවේ කටයුතු ප්රමාද කිරීමේ අරමුණින් බවයි සජබ ජාතික සංවිධායක තිස්ස අත්තනායක මහතා සඳහන් කළේ.
එසේම රටේ ජනතාව දැවැන්ත ආර්ථික පීඩනයකට මුහුණ පා සිටියදී නව පාර්ලිමේන්තු සැසිවාරයක් උත්සවාකාරයෙන් ආරම්භ කිරීමේ තීරණයට තමන්ට එකඟ විය නොහැකි බවත් ඒ මහතා පැවසීය.
ඒ අනුව රටේ ප්රධාන විපක්ෂය ලෙස මෙම උත්සවයට සහභාගී නොවීමට සමගි ජන බලවේගය දැනටමත් තීරණය කර ඇති බවත් ඒ මහතා ප්රකාශ කළේය.
~ රුවන් නෙළුගොල්ල
