සටහන: සශිකලා මධුෂාණි
පෙබරවාරි 08: ලෝකය(අවුට්බවුන්ඩ් ටුඩේ) : කැනඩාවේ ඇති අතිවිශාල ඛනිජ ද්රව්ය වෙත ප්රවේශ වීමට අවශ්ය හෙයින් එක්සත් ජනපද ජනාධිපති ඩොනල්ඩ් ට්රම්ප්ට කැනඩාව ඈඳා ගැනීමට අවශ්ය බව කැනේඩියානු අග්රාමාත්ය ජස්ටින් ටෘඩෝ ප්රකශ කර තිබේ.
සියලුම කැනේඩියානු ආනයන සඳහා 25%ක තීරුබදු පැනවීම, ෆෙන්ටැනයිල් චලනය වැළැක්වීම, දේශසීමාවේ ආරක්ෂාව සහ අන්තර් පළාත් වෙළඳාමේ අභියෝගය පිළිබඳ සාකච්ඡා ඇතුළත් විවිධ ව්යාපාරික නායකය සමුළුවක් ටොරොන්ටෝහිදී කැඳවන ලද අග්රාමාත්යවරයා එහිදී මේ බව ප්රකශ කර තිබිණි.
කැනඩාව ලිතියම්, මිනිරන්, නිකල්, තඹ සහ කොබෝල්ට් ඇතුළු හරිත බලශක්ති සංක්රාන්තිය සඳහා තීරනාත්මක යැයි සැලකෙන ඛනිජ වලින් පොහොසත් රටක් වන අතර කැනඩාවේ වෙළඳපොලෙන් 75%ක් ඇමරිකාව මත රඳා පවතියි.
මෙම සතිය මුලදී, ට්රම්ප් කැනඩාවේ ආර්ථිකය විනාශ කළ හැකි තීරුබදු වලින් ඉවත් වූ අතර, ඔහුගේ රටේ විශාලතම වෙළඳ හවුල්කරුවෙකුට වැඩිදුර සාකච්ඡා සඳහා දින 30 ක සහනයක් ලබා දුන්නේය.
ජනාධිපති ට්රම්ප් දිගින් දිගටම කැනේඩියානු ස්වෛරීත්වයට සමච්චල් කරමින් සමාජ මාධ්යවල රට “51 වැනි ප්රාන්තය” ලෙස පුනරුච්චාරණය කරමින් නැවත නැවතත් ටෘඩෝ අගමැති වෙනුවට “ආණ්ඩුකාර” ලෙස හඳුන්වා ඇත.
