කොළඹ LNW:එක්සත් ජනපද ජාත්යන්තර සංවර්ධනය සඳහා වූ ඒජන්සියේ (USAID) විසුරුවා හැරීමේ ජනාධිපති ඩොනල්ඩ් ට්රම්ප්ගේ තීරණය අධිකරණය විසින් තාවකාලිකව අත්හිටුවා ඇත.
USAID සේවකයින් 2,200 දෙනෙකු වැටුප් සහිත නිවාඩු මත තැබීමේ තීරණය ක්රියාත්මක කිරීමට පෙර එම අධිකරණ තීන්දුව ලැබී තිබෙන බවයි විදෙස් මාධ්ය වාර්තා කළේ.
එකසත් ජනපදය විසින් ක්රියාත්මක USAID වැඩසටහන ඇමරිකානුවන්ගේ බදු මුදල් නාස්ති කිරීමක් ලෙසයි ජනාධිපති ට්රම්ප් දක්වා ඇත්තේ.
ඒ අනුව USAID වැඩසටහන ගැන ජනාධිපතිවරයා විධායක තීන්දුවක් ගැනීමට කටයුතු කර තිබුණි.
කෙසේවෙතත් ඒජන්සිය බේරා ගැනීමට උත්සාහ කරන වෘත්තීය සමිති දෙකක් විසින් ගොනු කරන ලද නඩුවකට ප්රතිචාර වශයෙනුයි උක්ත අධිකරණ තීන්දුව ලබාදී තිබුණේ.
මෙම නියෝගය පෙබරවාරි 14 වන දින මධ්යම රාත්රිය දක්වා ක්රියාත්මකයි.
ජනාධිපති ට්රම්ප්ගේ තීරණය අනුව සේවකයින් 611 දෙනෙකු හැර ආයතනයේ සේවකයින් 10,000 න් සියල්ලම පාහේ නිවාඩු මත තැබීමට ඔහු සැලසුම් කර තිබුණි.
කාර්ය මණ්ඩලය 500 ක් පමණ දැනටමත් පරිපාලන නිවාඩු මත තබා ඇති අතර තවත් 2,200 ක් ඊයේ මධ්යම රාත්රියේ සිට ඔවුන් හා එක්වීමට නියමිතව සිටියහ.
නමුත් සිකුරාදා අවසන් මොහොතේ නඩුවෙන් තර්ක කළේ රජය එක්සත් ජනපද ව්යවස්ථාව උල්ලංඝනය කරන බවත් විධායක තීන්දුවෙන් සේවකයින්ට හානියක් සිදුවන බවත්ය.
විනිසුරු කාල් නිකොල්ස් වෘත්තීය සමිති සමඟ එක්වෙමින්, අධිකරණය මැදිහත් නොවන්නේ නම් ඔවුන්ට “ආපසු හැරවිය නොහැකි හානියක්” අත්විඳිය හැකි බවත්, “රජයට ශුන්ය හානියක්” සිදුවන බවත් පැවසීය.
මෙම නියෝගයෙන් දැනටමත් පරිපාලන නිවාඩු මත තබා ඇති කාර්ය මණ්ඩලය 500 ක් නැවත සේවයේ පිහිටුවා ඇත.
ආශිකා බ්රාහ්මණ
