පසුගිය මැයි 09 වනදා ඇතිවූ ගැටුම්කාරී සිදුවීම් අතරතුර ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී අමරකීර්ති අතුකෝරාළ මහතාව ඝාතනය කිරීම සම්බන්ධයෙන් අත් අඩංගුවට ගෙන සිටි සැකකරුවකු මහරගම අපේක්ෂා රෝහලෙහි ප්‍රතිකාර ලබමින් සිටියදී මියගොස් ඇති බව පොලීසිය පවසයි.
මෙසේ මියගොස් ඇත්තේ නිට්ටඹුව, එලක්කල ප්‍රදේශයේ පදිංචිව සිටි 26 හැවිරිදි හිටපු යුධ හමුදා සෙබළෙකි.
මන්ත්‍රීවරයාව ඝාතනය කිරීම සම්බන්ධයෙන් අපරාධ පරීක්ෂණ දෙපාර්තමේන්තුව විසින් අත් අඩංගුවට ගෙන සිටි මෙම සැකකරු අත්තනගල්ල මහේස්ත්‍රාත් අධිකරණයට ඉදිරිපත් කිරීමෙන් අනතුරුව රක්ෂිත බන්ධනාගාරගත කර තිබිණි.
එසේ මහර බන්ධනාගාරයේ සිටි ඔහුට වැළඳී තිබුණු පිළිකා රෝගයක් හේතුවෙන් බන්ධනාගාර නිලධාරීන්ගේ ආරක්ෂාව යටතේ ඔහුව මහරගම අපේක්ෂා රෝහලට ඇතුළත් කර තිබුණු අතර එහි ප්‍රතිකාර ලබමින් සිටියදී ඔහු මියගොස් ඇති බව සඳහන්.
RN
