චින්න චින්න ආසෛ – 39: කොපි වෙනුවට ඔරිජිනල් ඉල්ලන වෙලාවක; ගජමෑන් !

Date:

සතුට පත්තරයේ ගජමෑන් ඉපදුණේ මේ ලියුම්කරු ඉපදෙන්නත් කලින්. ගජමෑන් සතුටෙන් සිත්තරට ඇවිත් සිත්තරෙන් සත්සිරි දක්වා ගිය ගමනේ සෑහෙන කොටසක් දුටුව සාක්ෂිකාරයනුත් ලියුම්කරුගේ පරම්පරාව තමයි. 

ඊට අමතරව, ගජමෑන්, විවධ උත්සව කාලවලදී වෙනම විශේෂ පත්තරයක් හැටියටත් පාඨක දෝතට ඇවිත්, වෙනම රහක් දීලා ගියා. සෙල්ලං සේන, දොං සේතං, පද්මාවතී, ටික්කා, සිරිබිරිස්… මේ හැමෝම ගජමෑන් නිර්මාතෘ කැමිලස් මහත්තයගෙ තෙළිතුඩෙන් උපන්නේ. 

ඒ ද්විමානයෙන් මුද්‍රිත ගජමෑන්, කඩදාසියෙන් සිනමා තිරයට එන්නේ ත්‍රිමාණ සජීවකරණයෙන් පණ ලබලා. ඒක වෙනම අද්දැකීමක්. කැමිලස්ගේ ගජමෑන් ත්‍රිමාණ සිනමා අද්දැකීම එලෙසින්ම ඔබට විඳගන්න පුළුවන් වෙන්නෙ සිනමා ශාලාවකදී විතරයි. 

ලියුම්කරු සමග ගාමින්ද කළ – නුදුරේදී නිකුත්වන්නට නියමිත Ktube සම්මුඛ සාකච්ඡාවේදී ඔහු කියනව, කෙරෙන්නෑ කියල හිතපු ත්‍රිමාණ ගජමෑන්, ඇත්තක් බවට පත් කරන්න චානකලා මහන්සි වෙච්ච තරම.

ඒක අලුත් පරම්පරාවේ මහන්සිය.  ඒ මහන්සියට අපි හිස නමන්න ඕන. ගජමෑන් පළමු ත්‍රිමාණ සිනමා පියවර තියනකොට, මේ ලියුම්කරු වගේ පැරණි පාසැලේ චිත්‍රකතා ලෝලීන් හීන දකිනවා, බැට්මෑන්ලාට නොදෙවෙනි යුනිකෝ වගේ වීර චරිත ත්‍රිමාණ සිනමාවට එන විදිහ ගැන.

හෝල් එකට ගිහිල්ලා විසිල් පාරවල් මැද බයිස්කෝප් එකක් බලන එකේ සොමිය, මගහරින්න එපා. ඒ ගජමෑන්ට අහුවෙච්ච, මේ ගජමෑන්ට මිස් වෙච්ච දේවල් ලියුම්කරු දකිනවා. ඒත් ඒ දැක්ම විනෝදයට බාධාවක් නෙමේ. විනෝද සංස්කෘතිය, ජීවිතය අත්නොහරින්න කොන්දේසි විරහිතව උදව් කරන බවයි ලියුම්කරුගේ හැඟීම.!

විමල් කැටිපෙආරච්චි 

Share post:

spot_imgspot_img

Popular

More like this
Related

අරාබි පාපන්දු නිසොල්ලාසයේ පහස විඳින්නට ලාංකේය 23 න් පහළ තරුණයන්ට ලැබුණු අවස්ථාව

නිශ්මං රණසිංහ අගෝස්තු 31, කොළඹ LNW: අරාබි නිසොල්ලාසය විශ්ව සාහිත්‍ය තුළ...

ඩොනල්ඩ් ට්‍රම්ප්ගේ සෞඛ්‍ය ලේකම් රොබට් එෆ් කෙනඩි ජූනියර් ඉල්ලා අස්විය යුතු බවට මහජන ඉල්ලීම් වැඩි වේ

සටහන: සශිකලා මධුෂාණි අගෝස්තු 31: ලෝකය(අවුට්බවුන්ඩ් ටුඩේ): ඩොනල්ඩ් ට්‍රම්ප්ගේ සෞඛ්‍ය...

සජිත්ලා, නාමල්ලා, රනිල්ලා, මහින්දලා, මෛත්‍රීලා, චම්පිකලා අපරාධකාරයෝ. ඔක්කොම එක රැළට වැලිකඩ යවනවා – ඇමති නලින්

සටහන - රුවන් නෙළුගොල්ල විපක්ෂයේ මීළඟ ඒකාබද්ධ රැස්වීම පවත්වන දිනයේදී...

ශ්‍රී ලංකන් ගුවන් සේවයේ 46 වැනි සංවත්සරය නිමිත්තෙන් පාරිභෝගිකයන්ට වට්ටම් හා දීමනා රැසක්

ශ්‍රීලංකන් ගුවන් සේවයේ 46 වැනි සංවත්සරය 2025 සැප්තැම්බර් 01...