ශාන්ත කිට්ස් දූපත් හී පැවති 2017 වසර සඳහා පොදු රාජ්‍ය මණ්ඩලීය තරගය ශ්‍රී ලංකාවේ පැවත්වීම සඳහා වන ලංසු ඉදිරිපත් කිරීමේ වැඩ සටහන පිටුපස සැළසුම්කරණයේ විශාල භූමිකාවක් කළ නලීන් ආටිගල යළිත් ක්‍රීඩා සම්බන්ධීකරණ වැඩ සටහන් සඳහා සහභාගී කරවා ගනිමින් ඇත.එම සැළසුම විශාල මුදල් නාස්තියක් පමණක් වූ අතර ලංසුව පරාජය වූවා පමණක් නොව තවම හම්බන්තොට කිසිඳු ක්‍රීඩාංගණයක් සකස් වී ද නැත.මෙවර ඔහු ක්‍රීඩාවට සම්බන්ධ වෙන්නේ ජනාධිපති ක්‍රීඩා සම්මාන 2019 ඇගයීම් කමිටුවේ සභාපතිවරයා ලෙසය.
මහ බැංකු අධිපතිවරයා ලෙස එවකට ද සිටි අජිත් නිවාඩ් කබ්රාල් ට එම ලංසු කමිටුවේ සභාපතීත්වය හිමිව තිබූ අතර තරුණ මන්ත්‍රීවරයෙක් වූ නාමල් රාජපක්ෂ එහි විශාල කාර්යභාරයක් සිඳු කළේය.එම ලංසුව සඳහා තරග වැදීමට නලීන් ආටිගල වැනි අය කරන ලද සැළසුම් මත තවමත් නිවැරදිව ගිණුම් ඉදිරිපත් කිරීමට අපහසු විශාල වියදමක් සමඟින් නැටුම්,ගැයුම් ඇතුළත් විශාල කණ්ඩායමක් ද ශාන්ත කීට්ස් දූපත් කරා රැගෙන ගිය අතර ඕස්ට්‍රේලියාවේ ගෝල්ඩ් කොස්ට් නගරය වෙනුවෙන් ලංසුව ඉදිරිපත් කරන්නට රැගෙන විත් තිබුණේ කුඩා දැරියකි.අවසානයේ ඡන්ද සඳහා ජාත්‍යන්තර සම්බන්ධිකරණයේ වගකීම් පැවරි නලීන් ආටිගල ඇතුළු කණ්ඩායමේ මෙහෙයවීම මත විශාල වියදමක් දරා ශ්‍රී ලංකාව ලංසු තැබීමේදී ඡන්ද 27 ක් ලැබූ අතර ගෝල්ඩ් කොස්ට් වෙනුවෙන් දැරිය ඉදිරිපත් කළ ලංසුවට ඡන්ද 43 ක් ලැබිණ.
ගෝල්ඩ්කොස්ට්වලට එරෙහිව ශ්‍රී ලංකාව වැනි පහළ ආර්ථික මට්ටම රටක් ලංසුව දිනා ගැනීම සඳහා පමණක් දැරූ වියදම විශාල විවේචනයකට තුඩු දුන් අතර එයින් සිඳු වූ අපකීර්තියට වඩා ගෞරවයක් එම ක්‍රීඩා උළෙල වෙනුවෙන් රැජිණගේ යෂ්ටිය රැගෙන යාමේ වරම දිනා ගත් යෙවින් සමරරත්න සමත් විය.එවකට 14 වන වියේ සිටි ගොල්ෆ් ක්‍රීඩකයෙක් වූ යෙවින් ට බැටනය රැගෙන යාමට සළකා බැලූ නම් අතර ඉහළම සුදුසුකම් තිබුණු බැවින් බ්‍රිස්බේන් නගරයෙන් ඒ අවස්ථාව ඔහුට හිමි විය.
RM
