සටහන – රෂිකා හෙන්නායක
පෙබරවාරි, 17 කොළඹ (LNW): ඇමෙරිකානු රාජ්‍ය දෙපාර්තමේන්තුව නිවේදනය කරමින් ප්‍රකාශ කරන්නේ, කළමනාකරණය සහ සම්පත් සඳහා වු ඇමෙරිකානු නියෝජ්‍ය රාජ්‍ය ලේකම් රිචඩ් ආර් වර්මා (Richard Verma) මහතා මෙරට නිල සංචාරයක් සඳහා පැමිණීමට නියමිත බවයි.
ඇමෙරිකානු රාජ්‍ය දෙපාර්තමේන්තුව පවසන්නේ, හෙට ආරම්භ වන ඇමෙරිකානු නියෝජ්‍ය රාජ්‍ය ලේකම්වරයාගේ ආසියානු සංචාරය අතරතුර ඔහු මෙරටට පැමිණීමට නියමිත බවයි.
රිචඩ් ආර් වර්මා මහතා ඉන්දියාව සහ මාලදිවයින යන රටවල් වල සංචාරය නිම කොට ශ්‍රී ලංකාවට පැමිණීමට සැලසුම් කර තිබෙන බව වාර්තා වේ.
එහිදී මෙරට රජයේ උසස් නිලධාරීන් සමඟ විශේෂ සාකච්ඡා කිහිපයක් පැවැත්වීමට නියමිත අතර කොළඹ වරායේ බටහිර බහාලුම් පර්යන්තය නිරීක්ෂණයට ද ඇමෙරිකානු නියෝජ්‍ය රාජ්‍ය ලේකම්වරයා සූදානමින් සිටින බවට තොරතුරු වාර්තා වේ.
