විදුලි බිල වැඩි කිරීමට එරෙහි පන්දම විරෝධයක් නුගේගොඩ නගරයේදී සංවිධානය අකර තිබුණි.
යූත් ෆෝ චේන්ජ් සංවිධානය ඊට මූලිකත්වය ගෙන තිබුණු අතර ගෝඨාභය රාජපක්ෂ මහතාට ජනාධිපති ධූරය හැර දමා යාමට සිදුවූයේ පැය 8ක් 10ක් විදුලිය කප්පාදු කිරීම නිසා වන අතර රනිල් වික්රමසිංහ ආණ්ඩුවටද ගෙදර යාමට සිදුවන්නේ විදුලි බිල වැඩි කිරීම නිසා විය හැකි බව එම සංවිධානයේ ජාතික සංවිධායක ළහිරු වීරසේකර පැවසුවේය.
ජන බලය ගැන විශ්වාසයක් නැත්නම් ඒ ගැන ගෝඨාභය රාජපක්ෂ මහතාගෙන් විමසා දැනගත හැකි බවද ඔහු කියා සිටියේය.
දැන් පැමිණ ඇත්තේ ධනවාදයේ ස්විචය ඕෆ් කරන කාලය වන බවත් ජනතා බලයේ ස්විචය ඔන් කිරීමට කාලය පැමිණ ඇති බවත් ඒ සඳහා පෙළගැසෙන බවත් ඔහු අවධාරණය කරන ලදී.
ආශිකා බ්රාහ්මණ
