රෂිකා හෙන්නායක පෙබරවාරි 19, කොළඹ (LNW):
අද (19) උදෑසන විදෙස් ජාතික කාන්තාවක් දුම්රියේ ගමන් කරන අතරතුර , සෙල්ෆි ඡායාරූපයක් ගැනීමට උත්සාහ කිරීමේදී බදුල්ල බිංගෙයට නුදුරු අමුණුවැල්පිටිය 180/25 කණුව අසලදී දුම්රියෙන් ඇදවැටී මියගොස් ඇති බව වර්තා වේ.
එම සිදුවී සිදුව ඇත්තේ, බදුල්ල සිට කොළඹ කොටුව බලා ධානය වූ පොඩි මැණිකේ දුම්රියෙනි. එම අනතුරින් මියගොස් ඇත්තේ, පර්සිනෝමා ඔල්ගා නමැති 50 හැවිරිදි රුසියානු ජාතික කාන්තාවකි.ඇය 12 දෙනෙකුගෙන් යුත් පිරිසක් සමග රුසියාවේ සිට ශ්‍රීලංකාවේ සංචාරයක් සඳහා පැමිණ තිබුණු අතර, එම කණ්ඩායම සමග අද උදෑසන බදුල්ලට පැමිණ, බදුල්ලේ සිටි ඇල්ල දක්වා ගමන් කරන අතරතුර දුම්රියේ එල්ලී සෙල්ෆි ඡායාරූපයක් ගැනීමට උත්සාහ කළ අවස්ථාවේදී දුම්රිය මාර්ගය අද්දර පස්කණ්ඩියක ගැටී ඇදවැටී ඇති බව විමර්ශනවලදී අනාවරණය වූ බව පොලීසිය පවසයි.
