සටහන – රෂිකා හෙන්නායක
පෙබරවාරි, 19 කොළඹ (LNW): ඇමරිකා එක්සත් ජනපද විද්යාභිවර්ධන සංගමය (American Association for the Advancement of Science, AAAS) විද්යාත්මක නිදහස සහ වගකීම වෙනුවෙන්වූ (Scientific Freedom and Responibility Award) සම්මානය පාර්ලිමේන්තු මන්ත්රී මහාචාර්ය චන්න ජයසුමන මහතාට පිරිනමා තිබෙන බව වාර්තා වේ.
මෙම සම්මානය ඔහුට ලැබී ඇත්තේ විවිධ පාර්ශ්වවලින් එල්ල වූ අභියෝග හමුවේ කෘෂිකාර්මික ප්රජාවගේ වකුගඩු රෝගය පිළිබඳ කළ පර්යේෂණ හේතුවෙන් ලොව පුරා මිලියන ගණනක් ජනතාවගේ සෞඛ්ය තත්වය ඉහළ නැංවීමට කළ දායකත්වය සලකා බැලීමෙන් පසුවයි.
ජයසුමන මහතාට සම්මානය පිරිනමා ඇත්තේ, මෙවර ඇමෙරිකා එක්සත් ජනපදයේ කොලරාඩෝහි ඩෙන්වර් නගරයේ පැවති ඇමෙරිකානු විද්යාභිවර්ධන සංගමයේ වාර්ෂික සමුළුවේදී එහි වැඩසටහන් අධ්යක්ෂිකා තෙරේසා හැරිස් මහත්මිය විසිණි.
