තානාපති සේවය සඳහා ශ්රී ලංකාවට පැමිණීමට අවස්ථාව ලැබීම මහත් ගෞරවයක් බව මෙරට නව ඇමරිකානු තානාපතිනිය පවසනවා. ඇය ශ්රී ලංකාව බලා පිටත්ව යාමට පෙර ඇමරිකානු රාජ්ය ලේකම් ඇන්තනි බ්ලින්ක්ස් මහතා හමු වූ අවස්ථාවේදී මේ බව පවසා තිබේ.
මෙරට ඇමරිකානු තානාපතිවරිය ලෙස පත්කර තිබෙන්නේ ජූලි ජේ චන්ග් මහත්මියයි. රාජ්ය තාන්ත්රික කටයුතු සම්බන්ධයෙන් හසළ අත්දැකීම් සහිත ඇය දකුණු කොරියානු සම්භවයක් සහිත ඇමරිකානු ජාතිකයෙකි.
ශ්රී ලංකාව සහ ඇමරිකා එක්සත් ජනපදය අතර ආර්ථික සම්බන්ධතා තවදුරටත් ශක්තිමත් කිරීමට බලාපොරොත්තු වන බවත් දෙරට අතර මිත්රශීලී සබඳතා ශක්තිමත් කිරීමට බලාපොරොත්තු වන බවත් ඇය රාජ්ය ලේකම්වරයා සමග පවසා තිබෙනවා. රජය සමග මෙන්ම සිවිල් සමාජය සමගද මිත්රශීලීව කටයුතු කිරීමට ඇය බලාපොරොත්තුවෙන් සිටී.
UN
