සටහන – නිශ්මං රණසිංහ
පෙබරවාරි 24, (LNW)කොළඹ :
ශ්‍රී ලංකාවේ පැවත්වෙන විශාල විදේශිකයින් ප්‍රමාණයක් සහභාගිවන ජාත්‍යන්තර බැඩ්මින්ටන් තරගාවලි දෙකක් සඳහා සුගතදාස ක්‍රීඩාංගණයෙන් සහනයක් අපේක්ෂා කළ ශ්‍රී ලංකා බැඩ්මින්ටන් වෙත සුගතදාස ක්‍රීඩා සංකීරණයෙන් තිබුණටත් වඩා වැඩි මිලක් යෝජනා කිරීම සොයා බලන බව ක්‍රීඩා අමාත්‍ය සුනිල් කුමාර ගමගේ මෙන්ම නියෝජ්‍ය අමාත්‍ය සුගත් තිලකරත්නත් පැවසුවා.
ක්‍රීඩාව ආර්ථිකය පොහොසත් කිරීමට මෙන්ම සංචාරක කර්මාන්තය ආශ්‍රිත කොටසක් ලෙස ද අවධානය යොමු කර තිබියදී මෙවැනි ජාත්‍යන්තර ඉසව්වක් සම්බන්ධයෙන් හැසිරෙන ආකාරය වැරදි බව අමාත්‍යවරුන් දෙපළ සහ මාධ්‍යවේදීන් හමු වූ අවස්ථාවේදී අප පෙන්වා දුන්නා.
ඒ අනුව වහාම කරුණු සොයා බැලීමක් කරන බව අමාත්‍යවරු දෙපළ මාධ්‍යවේදීන් ඉදිරියේදී පොරොන්දු වුණා.
“සුගතදාසය දිරිය දිය යුතු රටට සල්ලි ගේන බැඩ්මින්ටන් ඉසව්වක් සමතලා කරන වෑයමක” යනුවෙන් අප පළ කළ පළමු සටහන ද මෙයට ඇතුළත් කර තිබෙනවා.
සබැඳි පුවත්
