සටහන – රෂිකා හෙන්නායක
පෙබරවාරි, 29 කොළඹ (LNW): වැටුප් විෂමතා ගැටලුව මුල් කර ගනිමින්, විශ්වවිද්‍යාල අනධ්‍යන කාර්ය මණ්ඩලය අදත් සංකේත වැඩ වර්ජනයක නිරත වනු ඇත.
පසුගිය කාලයේද විශ්විද්‍යාල අධ්‍යන අනධ්‍යන සේවකයින් විවිධ වෘත්තීය ක්‍රියාමාර්ගයන්වල නිරත වූයේ, පවතින ආර්ථික වතාවරණය තුළ වැටුප් වැඩි කරන්නැයි ඉල්ලමිණි.
පසුගිය දා විශ්වවිද්‍යාල අධ්‍යන කාර්යමණ්ඩල වලට පමණක් අධ්‍යන දීමනා වැඩි කිරීමට රජය පියවර ගත් අතර, විශ්වවිද්‍යාල විධායක නිලධාරී සංගමයේ අනුශාසක සම්පත් උදයංග මහතා පැවසුවේ, සති 2ක් තුළ මේ සම්බන්ධයෙන් විසඳුමක් නොලැබුණහොත් දැඩි වෘත්තීය ක්‍රියාමාර්ගවලට එළඹීමට සිදුවන බවයි.
ගැටලු විසඳන ලෙස ඉල්ලා ඔවුන් මෙම වර්ජනය ආරම්භ කළේ ඊයේ දිනයේ වන අතර, වර්ජනය හේතුවෙන් රටපුරා රජයේ විශ්වවිද්‍යාලවල කටයුතු අඩාල වූ අතර තවත් ස්ථාන කිහිපයක ඊයේ විරෝධතා ද පැවැත්වූ බව වාර්තා වේ.
