වෘත්තීයවේදීන්ගේ වෘත්තීය සමිති එකමුතුව ලෙස අද (01) ක්‍රියාත්මක කර තිබෙන වැඩවර්ජන,අකුරට වැඩකිරීම,උද්ඝෝෂණ ඇතුළු වෘත්තීය සමිති ක්‍රියාමර්ග හේතුවෙන් ක්ෂේත්‍ර රැසක කටයුතු අඩාල වී තිබේ.
නව ආදායම් බදු පනත ඇතුළු විවිධ වූ වෘත්තීය ක්ෂේත්‍ර මුහුණ දී තිබෙන බරපතල ගැටළුකාරී තත්ත්වයන්ට විසඳුම් ඉල්ලමිනුයි මෙම වෘත්තීය සමිති ක්‍රියාමාර්ග දියත්කර ඇත්තේ.
ඒ අනුව වෘත්තීයවේදීන්ගේ වෘත්තීය සමිති එකමුතුව ලෙස අද මාධ්‍ය හමුවක් කැඳවමින් රජයට අවධාරණය කළේ මෙම සතිය තුළ විසඳුම නොලැබෙන්නේ නම් එළඹෙන 08 වැනිදායින් පසු තත්ත්වය ඉතාම බරපතල වනු ඇති බවයි.
දැඩි වෘත්තීය සමිති ක්‍රියාමාර්ග වෙත යොමුවීමට දැනටමත් තීන්දු කර තිබෙන බවද ඔවුන් අවධාරණය කළේය.
ආශිකා බ්‍රාහ්මණ
