අද වනවිට මේ රටේ පවුලක ආදායමෙන් 70% ක්ම වියදම් කෙරෙන්නේ ඖෂධ මිලට ගැනීමට සහ දරුවන්ගේ අධ්‍යාපන කටයුතු සඳහා බව ජාතික ජන බලවේගයේ හිටපු පාර්ලිමේන්තු මන්ත්‍රී සුනිල් හඳුන්නෙත්ති මහතා පවසයි.
“ඔන්න දැන් මැරෙන්න හදනවා, ඩොලර් එක නැගලා ලු. රුපියල ශක්තිමත් වෙලා ලු. මං බැලුවා යකෝ මොනවා හරි ටිකක් යවලාද පිටරටකට ? තේ ටිකක් යවලාද, රබර් ටිකක් යවලාද, කුරුඳු ටිකක් යවලාද, කෝපි ටිකක් යවලාද, පොල් ටිකක් යවලාද, මොකක්ද වෙලා තියෙන්නෙ මේ කියලා … බලනකොට ලෝක බැංකුවෙන් ඩොලර් මිලියන 400ක් හම්බුවෙලා. කාට කියන්නද අප්පා … ණයක් හම්බුවෙලා, දැන් පැලෙන්න සතුටුයි. හරියට අර කාන්තාරෙට දිය වැටුණා වගේ. පව් මේ රට. කල්පනා කරලා බලන්න, අද බංගලිදේශෙන් ගත්තු ණය ගෙවාගන්න විදියක් නෑ. ඩොලර් කෝටි 5500ක් තව ගෙවන්න තියෙනවා. ඉපදෙන්න ඉන්න දරුවෙක් පවා ණයකාරයෙක් කරලා තියෙනවා. බෙහෙත් ටික ගන්න විදියක් නෑ. අද පවුලක ආදායමෙන් 70%ක් වෙන් කරන්නෙ බෙහෙත් ටික ගන්නයි දරුවන්ට උගන්නන්නයි. මේක තමයි ඇත්ත ජීවිතේ මුං අවුරුදු 75කට මේ රටේ ජනතාවට උරුම කරපු”
සුනිල් හඳුන්නෙත්ති මහතා මේ බව පැවසුවේ පෙරේදා (02) රන්න ප්‍රදේශයේ පැවති ජාතික ජනබලවේගයේ ජනහමුවක් අමතමිනි.
RN
