සටහන – රෂිකා හෙන්නායක
මාර්තු 06, කොළඹ (LNW): දුම්රියක සිටි සංචාරකයින් දෙදෙනෙකුට දුම්රිය සේවකයින් පිරිසක් පහර දීමේ සිද්ධියක් නාවලපිටියෙන් වාර්තා වේ.
කොළඹ සිට බදුල්ල බලා ධාවනය වූ පොඩිමැණිකේ දුම්රියේ ගමන් ගත් එංගලන්ත ජාතිකයින් දෙදෙනෙකු ඊයේ (05) මෙම සිද්ධියට මුහුණ දී ඇත.
එම සංචාරකයින් දෙවන පන්තියේ ප්රවේශ පත්ර රැගෙන පළමු පන්තියේ ගමන් කර ඇති බවටත්, ඒ අනුව, එම සංචාරකයින් දෙදෙනාට නාවලපිටිය දුම්රිය ස්ථානයේ සේවකයින් පහර දී ඔවුන් දුම්රියෙන් එළියට ඇද දමා තිබෙන බව පැවසේ.
මේ අනුව පහර දුන් බව කියන සිද්ධිය සම්බන්ධයෙන් නිලධාරීන් තුන්දෙදෙනෙකුගේ සේවය අත්හිටුවා තිබේ.
දුම්රිය ස්ථානාධිපතිවරුන් දෙදෙනෙකුගේ හා නියාමකවරයෙකුගේ සේවය එලෙස අත්හිටුවා ඇති බව දුම්රිය සාමාන්යාධිකාරි එච්.එම්.කේ බණ්ඩාර මහතා පැවසීය.
සිද්ධිය සම්බන්ධයෙන් පුළුල් විමර්ශනයක් ක්රියාත්මක බව ද ඔහු ප්රකාශ කළේ ය.
දුම්රියේ තුන්වන පන්තියේ ප්රවේශ පත්ර ලබාගෙන පළමු පන්තියේ මැදිරියක ආසනවල ගමන් කිරීම හේතුවෙන් ඔවුන් ඉන් ඉවත් කිරීමට සිදු වූ බව මේ සම්බන්ධයෙන් කළ විමසීමකදී දුම්රිය ගමනාගමන අධිකාරි එන්.එම්.ජේ ඉදිපොළ මහතා සඳහන් කළේය.
