ශ්‍රී ලංකා නිදහස් පක්ෂයේ මහලේකම් ධුරයෙන් දයාසිරි ජයසේකර මහතාව ඉවත් කර ඇති බවට ඇතැම් මාධ්‍ය සහ සමාජ මාධ්‍ය ඔස්සේ පැතිර යන පුවත සම්පූර්ණයෙන්ම අසත්‍යය බව එම පක්ෂයේ ආරංචිමාර්ග පවසයි.
දයාසිරි ජයසේකර මහතා මේ දිනවල සිය පුත්‍රයාගේ උපාධි ප්‍රදානෝත්සවයට සහභාගී වීම සඳහා එංගලන්තය බලා ගොස් සිටින අතර ඔහු නැවත දිවයිනට පැමිණෙන තුරු ශ්‍රීලනිප මහලේකම් ධුරයෙහි වැඩබැලීම සඳහා එම පක්ෂයේ නියෝජ්‍ය මහලේකම් සරත් ඒකනායක මහතාව පත්කර තිබේ.
පක්ෂ නායක මෛත්‍රීපාල සිරිසේන මහතා විසින් එම පත්කිරීම සිදුකර ඇත්තේ දයාසිරි ජයසේකර මහතා සමග ද සාකච්ඡා කිරීමෙන් අනතුරුව ය. මැතිවරණයක් කැඳවා ඇති මොහොතක පක්ෂයේ මහලේකම් ධුරයට බොහෝ රාජකාරි ඇති නිසා දයාසිරි ජයසේකර මහතා යළි දිවයිනට පැමිණෙන තුරු මෙසේ වැඩබලන මහලේකම්වරයකු පත්කර ඇති බව සඳහන්.
RN
