ජනප්‍රිය නිරූපන ශිල්පිනියක් වන පියුමි හංසමාලිගේ වත්කම් සම්බන්ධයෙන් සිදුකෙරෙන විමර්ශනයට අදාළ නඩුව අද (07) කොළඹ මහේස්ත්‍රාත් අධිකරණය හමුවේ කැඳවූ අවස්ථාවේදී අපරාධ පරීක්ෂණ දෙපාර්තමේන්තු නිලධාරීන් අධිකරණය හමුවේ පෙනී නොසිට මඟහැර තිබේ.
මෙම නඩුව කොළඹ මහේස්ත්‍රාත් අධිකරණ අංක 04 හමුවේ පසුගිය පෙබරවාරි 14 වනදා මෝසමක් මාර්ගයෙන් කැඳවා තිබුණු අතර එදින කොළඹ අතිරේක මහේස්ත්‍රාත් මංජුල රත්නායක මහතා නියෝග කර තිබුණේ මාර්තු 07 වනදා නඩුව නැවත කැඳවීමට ය.
අපරාධ පරීක්ෂණ දෙපාර්තමේන්තුව මේ සම්බන්ධයෙන් හොඳින්ම දැනුවත්ව සිට ඇති අතර ඔවුන් ඊයේ (06) සහ පෙරේදා (05) යන දින දෙකේම පියුමි හංසමාලිව CID ය වෙත කැඳවා ප්‍රකාශ ද සටහන් කරගෙන තිබිණි.
එසේ තිබියදී ඔවුන් හිතාමතාම අද දිනයේදී අධිකරණය මගහැර ඇති බව දක්නට ලැබිණි.
ඒ අනුව, නඩුව මාර්තු 21 වනදා නැවත කැඳවීමට අධිකරණය නියම කළේය.
ජ්‍යේෂ්ඨ නීතීඥ සුමුදු හේවගේ සමග නීතීඥ ඉමාෂා සේනාධීර අධිකරණය හමුවේ පියුමි හංසමාලිගේ අයිතිවාසිකම් වෙනුවෙන් පෙනී සිටියහ.
සබැඳි පුවත් –
