පළාත් පාලන මැතිවරණය සඳහා ජන්ද පත්‍රිකා මුද්‍රණය කිරීමට අවශ්‍ය මුදල ලබා ගැනීමට ඒ පිළිබඳව මහා භාණ්ඩාගරයටත් පොලිස් ආරක්ෂාව ලබා ගැනීම සඳහා පොලිස්පතිවරයාටත් අවශ්‍ය දැනුම් දීම සිදුකරන ලෙස අද (07) මැතිවරණ කොමිසමේ පැවති සාකච්ජාවේදී එකඟ වූ බව රජයේ මුද්‍රණාලාධිපති ගංගානි ලියනගේ මහත්මිය මාධ්‍ය වෙත අදහස් දක්වමින් පැවසුවාය.
අද දින මැතිවරණ කොමිසමේ පැවති සාකච්ජාව සාර්ථක බවත් මැතිවරණ කොමිසම විසින් මැතිවරණය පැවැත්වීම සඳහා දිනයක් නියම කිරීමෙන් පසුව අවශ්‍ය ජන්ද පත්‍රිකා ලබා දීමට කටයුතු කරන බවයි ඇය සඳහන් කළේ.
ආශිකා බ්‍රාහ්මණ
