සටහන – රෂිකා හෙන්නායක
මාර්තු 08, කොළඹ (LNW): අද (08) පස්වරුවේ ජ.වි.පෙ. ප්රධාන කාර්යාලයේදී ශ්රී ලංකාවේ කියුබානු තානාපති Andrés Marcelo Garrido මහතා ජාතික ජන බලවේගයේ නායක අනුර කුමාර දිසානායක මහතා හමුවූ බව පැවසේ.
එමෙන්ම කියුබන් තානාපති කාර්යාලයේ පළමු ලේකම් Mrs. Maribel Duarte Gonzalez මහත්මියද ජාතික ජන බලවේගය වෙනුවෙන් ජාතික විධායක සභික බිමල් රත්නායක ද මෙම අවස්ථාවට සහභාගි වී ඇත .
මෙහිදී දීර්ඝ කාලයක් තිස්සේ කියුබාවේ කොමියුනිස්ට් පක්ෂය සහ ජනතා විමුක්ති පෙරමුණ අතර පවත්වාගෙන ආ දේශපාලන සම්බන්ධතාවය පිළිබඳවත් වර්තමානයේ ජාතික ජන බලවේගයේ දේශපාලන කටයුතු සම්බන්ධයෙනුත් දීර්ඝ වශයෙන් සාකච්ඡාවට බඳුන් වු බව සඳහන් වේ.
දීර්ඝ කාලයක් තිස්සේ කියුබාවට පනවා ඇති සම්බාධක සම්බන්ධයෙනුත් මේ වනවිට කියුබාව සහ ශ්රී ලංකාව අතර ඇති සෘජු සම්බන්ධතාත් ඒවායේ ප්රගතිය සහ ගැටලු සහගත තැන් පිළිබඳවත් තානාපතිවරයා මෙහිදී අනුර දිසානායක මහතා දැනුවත් කළ බව පැවසේ.
එමෙන්ම ශ්රී ලංකාවේ ඩෙංගු මර්දනය සම්බන්ධයෙන් කියුබානු රජයේ සහයෝගීත්වයෙන් ව්යාපෘතියක් ක්රියාත්මක කිරීමට මේ වනවිටත් ගිවිසුම්ගතවීම පිළිබඳ සාකච්ඡා පවත්වන බවත් එවැනි ව්යාපෘති තවත් මහද්වීප 03ක රටවල් සමඟ මේ වනවිටත් ක්රියාත්මක කරමින් සිටින බවත් තානාපතිවරයා පැහැදිලි කළ බව සඳහන් වේ.
