ආනයනික කිරිපිටි කිලෝග්‍රෑම් එකක මිල රුපියල් 300කින් ඉහළ නැංවීමට කිරිපිටි ආනයනකරුවන්ගේ සංගමය සැලසුම් කර ඇති බව වාර්තා වේ.
ඒ අනුව ග්‍රෑම් 400 කිරිපිටි පැකට්ටුවක මිල ඉහළ නැංවීමට සූදානම් වන්නේ රුපියල් 120 කිනි.
ලෝක වෙළඳපොලේ කිරිපිටි මෙට්‍රික් ටොන් එකක මිල ඇමරිකානු ඩොලර් 5500ක් දක්වා ඉහළ ගොස් ඇති පසුබිමක මෙරට කිරිපිටි මිල නැංවීම හැර වෙනත් විකල්පයක් තමන්ට නොමැති බවයි කිරිපිටි ආනයනකරුවන්ගේ සංගමය පවසන්නේ.
කිරිපිටි සඳහා වූ පාලන මිල මීට ටික කලකට පෙර ඉවත් කෙරුණු අතර සමාගම්වලට අවශ්‍ය පරිදි මිල තීරණය කිරීමේ හැකියාවක් පවතී.
RN
