සටහන – රෂිකා හෙන්නායක
මාර්තු 15, කොළඹ (LNW): පොලිස් විශේෂ කාර්ය බලකාය විසින් කරගෙන ගිය අධිවේගී මාර්ගවල අභ්‍යන්තර ආරක්ෂක කටයුතු හා මුදා ගැනීමේ මෙහෙයුම්, මේ වනවිට රක්නා ලංකා සමාගමට පවරා තිබෙන බව සඳහන් වේ. මෙතෙක් එම කටයුතු සිදු කළ පොලිස් විශේෂ කාර්ය බලකාය එම කටයුතුවලින් ඉවත් වී ඇති බව වාර්තා වේ.
පෙරේදා (13) සිට රක්නා ලංකා ආරක්ෂක සමාගමේ නිලධාරීන් මාර්ගයේ ආරක්ෂාව සඳහා යොදවා ඇති බව මාර්ග සංවර්ධන අධිකාරිය සඳහන් කළේය.
ඒ සඳහා මසකට රුපියල් මිලියන 12 ක් පමණ වැය කිරීමට සිදුව ඇති බවත්, මධ්‍යම අධිවේගී මාර්ගයේ මීරිගම හා කුරුණෑගල අතර කොටසේ ආරක්ෂක හා මුදා ගැනීමේ මෙහෙයුම් පළාත් පාලන ආයතන වෙත පවරා ඇති බව අධිකාරිය වැඩිදුරටත් කියා සිටි.
