මුලින්ම පැවැත්වෙන්නේ ජනාධිපතිවරණය බව ජනාධිපති රනිල් වික්‍රමසිංහ මහතා විසින් කැබිනට් මණ්ඩලයට දැනුම් දී ඇතැයි වාර්තා වේ.
ඊයේ (18) කොළඹ ජනාධිපති ලේකම් කාර්යාලයේදී පැවති කැබිනට් රැස්වීමේදී ජනාධිපතිවරයා මේ බව ප්‍රකාශ කර ඇති බව සඳහන්.
මුලින් පැවැත්වෙන්නේ මහමැතිවරණයක්ද, ජනාධිපතිවරණයක්ද යන්න සම්බන්ධයෙන් පැතිර යන කතාබහ පිළිබඳ අදහස් දක්වමින් ජනාධිපතිවරයා පවසා ඇත්තේ ආණ්ඩුක්‍රම ව්‍යවස්ථාව අනුව මුලින් පැවැත්විය යුත්තේ ජනාධිපතිවරණය බැවින් ඒ අනුවම කටයුතු සිදුවනු ඇති බවයි.
ඒ අනුව මුලින්ම ජනාධිපතිවරණයක් සඳහා සුදානම් වන ලෙස ජනාධිපතිවරයා කැබිනට් අමාත්‍යවරුන්ට දැනුම් දී ඇති බවයි ආරංචිමාර්ග පැවසුවේ.
RN
