ඉන්ධන ලබා ගැනීම සඳහා පෝලිමේ සිටියදී ඇදවැටීමෙන් පුද්ගලයෙකු මියගොස් තිබෙනවා. මෙම මරණය වාර්තා වන්නේ කඩවත ප්‍රදේශයේ ඉන්ධන පිරවුම්හලකිනි.
මියගොස් තිබෙන්නේ මාකොළ ප්‍රදේශයේ පදිංචිව සිටින 71 හැවිරිදි පුද්ගලයෙකු බවයි පොලීසිය පවසන්නේ.
මෙම පුද්ගලයා පෙට්‍රල් ලබා ගැනීම සඳහා පෝලිමේ සිටියදී හදිසියේ ඇදවැටී තිබෙනවා. ඉන් අනතුරුව අවට සිටි පුද්ගලයන්ගේ මැදිහත්වීමෙන් ඔහුව රාගම රෝහලට ඇතුළත් කර ඇති අතර රෝහලට ඇතුළත් කරන විටත් ඔහු මියගොස් සිටි බවයි වාර්තා වන්නේ.
මීට පෙර ඊයේ දිනයේදී මහනුවර ප්‍රදේශයේ ඉන්ධන පිරවුම්හලකින්ද මෙවැනිම ආකාරයේ මරණයක් වාර්තා විය.
UN