සටහන – රෂිකා හෙන්නායක
මාර්තු 21, කොළඹ (LNW): මේ වනවිට රක්ෂිත බන්ධනාගාර ගත කරනු ලැබ සිටින හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා පාර්ලිමේන්තුවට කැඳවාගෙන එන ලෙස කතානායකවරයා උපදෙස් ලබා දී තිබෙන බව වාර්තා වේ.
කෙහෙළිය රඹුක්වැල්ල මහතාගේ කැමැත්ත අනුව ඔහු, කතානායක මහින්ද යාපා අබේවර්ධන මහතාට එරෙහි විශ්වාසභංග යෝජනාව පිළිබඳව අවසාන ඡන්ද විමසීමට කැඳවාගෙන එන ලෙස වේත්‍රධාරී කුෂාන් ජයරත්න මහතා බන්ධනාගාර කොමසාරිස් ජනරාල්වරයාට දැනුම් දී ඇති බව වාර්තා වේ.
ර්‍ර් මහතා රක්ෂිත බන්ධනාගාර ගත කෙරුණු පසු ඔහුගේ ලේකම්වරයකු විසින් කරන ලද ඉල්ලීමක් අනුව පාර්ලිමේන්තු රැස්වීම් වලට සහභාගි කරවීමට කතානායකවරයාගේ උපදෙස් මත වේත්‍රධාරිවරයා සියලු කටයුතු සූදානම් කර තිබුණු අතර, එම අවස්ථාවේදී තමා අසනීප තත්වයෙන් පසුවන බැවින් පාර්ලිමේන්තු රැස්වීම්වලට සහභාගී නොවන බව ඔහු පාර්ලිමේන්තු මහ ලේකම්වරියට ලිපියක් යොමු කරමින් දැනුම් දී තිබුණි.
